Category: Promotions

g&g မှာ စျေးဝယ်ယူပြီး “Citizens ပွိုင့်စုဘူး” ထဲ Citizens ပွိုင့်တွေစုဆောင်းနေသူတို့အတွက် “မိုးလေးဖွဲတုန်းဆုတွေထူးမယ်၊ E-Money ၁၀သိန်းအထိ လှည့်မယ်၊ ပေါက်မယ်” ဆိုတဲ့ Spin Wheel အစီအစဉ်လေး ပြန်လည်ယူဆောင်လို့လာပါပြီ 

ဒီတစ်ခေါက် Spin The Wheel မှာ ပါဝင်တဲ့ ဆုလက်ဆောင်တွေကတော့ Grand Prizes ဆုကြီးများအဖြစ် AirPod3 (၁) ဆု၊ e-Money ၁၀ သိန်း (၁) ဆု၊ E-Money ၃ သိန်း (၅) ဆုတို့အပြင် အခြားသော e-Money ဆုပေါင်းများစွာ၊ ဖုန်းဘေလ်ဆုများနှင့် ပျော်ရွှင်ဖွယ်ရာ Mystery Box Gift လေးတွေပါ ပါဝင်မှာဖြစ်ပါတယ်။ 

 စီတီဇင်ပေး အက်ပလီကေးရှင်းထဲ ဝင်ရောက်တာနဲ့ Spin The Wheel အခမဲ့ လှည့်ခွင့် တစ်ကြိမ်ကို ရယူနိုင်ပြီး၊ နောက်ထပ်လှည့်ခွင့်အကြိမ်ရေများကို ကျန်ရှိတဲ့ပွိုင့်အရေအတွက်ပေါ်မူတည်ပြီး လှည့်နိုင်မှာဖြစ်ပါတယ်။  ပွိုင့်စုဆောင်းခြင်းအတွက် g&g (Grab & Go) Convenience Store ဆိုင်တိုင်းတွင် စီတီဇင်ပေးဖြင့် (သို့မဟုတ်) ငွေသားဖြင့် တစ်နေ့ (၃) ကြိမ်အထိ ဝယ်ယူမှုများအတွက် ပွိုင့်များကို စုဆောင်းရယူနိုင်ပါတယ်။ မိုးလေးဖွဲတုန်းဆုတွေထူးမယ်၊ E-Money ၁၀သိန်းအထိ လှည့်မယ်၊ ပေါက်မယ် အစီအစဉ်ကိုတော့ ၂၀၂၄ခုနှစ်၊ ဩဂုတ်လ (၂၃) ရက်နေ့မှ အောက်တိုဘာလ (၆) ရက်အထိ ဖြစ်ပြီးပါတယ်။

၁။ စူပါစီတီဇင်အကောင့် (Level 2) ဖြစ်နေမှသာ Spin Wheel လှည့်ခွင့်ရမည် ဖြစ်ပါသည်။

၂။ Spin Wheel လှည့်ရန် လိုအပ်သော ပွိုင့်များကို g&g (Grab & Go) Convenience Store ဆိုင်တိုင်းတွင် စျေးဝယ်ယူသည့်အခါတိုင်း စုဆောင်းရရှိနိုင်မည် ဖြစ်ပါသည်။

၃။ ပွိုင့်စုဆောင်းခြင်းအတွက် g&g ဆိုင်တိုင်းတွင် အကောင့်တစ်ခုအတွက် တစ်နေ့လျှင် (၃) ကြိမ်အထိ စီတီဇင်ပေးဖြင့် (သို့မဟုတ်) ငွေသားဖြင့် ပေးချေသည့်အခါတိုင်း ပွိုင့်များကို စုဆောင်းရယူနိုင်ပါသည်။

၄။ ထို့နောက် ရရှိထားသော ပွိုင့်များကို Spin Wheel လှည့်ခွင့်နှင့် လဲလှယ် အသုံးပြုရမည် ဖြစ်ပါသည်။

၅။ စီတီဇင်ပေး အကောင့်ထဲသို့ ဝင်ရောက်ခြင်းအတွက် နေ့စဉ် Spin Wheel လှည့်ခွင့် တစ်ကြိမ် Free ရရှိမည်ဖြစ်ပါသည်။ နေ့စဉ် Spin Wheel လှည့်ခွင့် အကြိမ်ရေကို ကန့်သတ်ထားခြင်းမရှိဘဲ စုဆောင်းထားသည့် ပွိုင့်အရေအတွက်ကိုလိုက်၍ Spin Wheel လှည့်ခွင့်နှင့် လဲလှယ်ကာ ကံစမ်းနိုင်မည်ဖြစ်ပါသည်။

၆။ ကံထူးဆုများအနက် ဖုန်းဘေလ်ဆုများကို ကံထူးပြီး (၁၅) မိနစ်အတွင်း Spin Wheel လှည့်သည့် စီတီဇင်ပေးအကောင့်ဖွင့်ထားသော ဖုန်းနံပါတ်သို့ တိုက်ရိုက်ပေးပို့သွားမည်ဖြစ်သော်လည်း E-Money ဆုများအတွက်မူ ဆုရရှိပြီးသည့် ရက်မှ ရုံးဖွင့်ရက် (၄) ရက်အတွင်းတွင်သာ ထည့်သွင်းပေးသွားမည် ဖြစ်ပါသည်။ Grand Prize ဖြစ်သည့် Air Pods ကံထူးရှင်ကို အစီအစဉ်ကာလပြီးဆုံးပြီး နှစ်ပတ်အတွင်း စီတီဇင်ပေး၏ Official Hotline နံပါတ် 09 969 998 888 နှင့် 09 969 997 777 တို့ဖြင့်သာ တိုက်ရိုက်ဆက်သွယ်၍ စီတီဇင်ပေးရုံးချုပ်တွင် ဆုလက်ဆောင်ပေးအပ်သွားမည် ဖြစ်ပါသည်။ အခြားဖုန်းနံပါတ်များနှင့် ကံထူးကြောင်း ဆက်သွယ်လာပါက အထူးသတိထားရန်လိုအပ်ကြောင်းနှင့် မိမိ၏ ဖုန်းထဲသို့ SMS ဖြင့်ရောက်ရှိလာသည့် OTP နံပါတ်များကိုလည်း မည်သူတစ်ဦးတစ်ယောက်ကိုမျှ မပြောပြမိစေရန် အထူးအကြံပေးလိုပါသည်။ ဆုထုတ်ယူရာတွင်လည်း အခကြေးငွေ တစ်စုံတစ်ရာ ထပ်မံပေးဖို့ မလိုအပ်ကြောင်း ကြိုတင်အသိပေးအပ်ပါသည်။ Spin Wheel မှပေါက်သည့် မည်သည့်ဆုမဲအတွက်မဆို Spin Wheel လှည့်သည့် စီတီဇင်ပေးအကောင့်ပိုင်ရှင်သာလျှင် လက်ခံရယူရန် အကျုံးဝင်ပါသည်။

၇။ သက်ဆိုင်ရာ ဖုန်းအော်ပရေတာများ၏ စည်းမျဉ်းသတ်မှတ်ချက်အရ B2B SIM သို့မဟုတ် E-load ရောင်းချခြင်းအတွက် အသုံးပြုလျက်ရှိသည့် SIM များအတွက် ဖုန်းဘေလ်ဆုလက်ဆောင်ပေးအပ်ခြင်းကို လုပ်ဆောင်နိုင်မည်မဟုတ်ပါ။

၈။ E-Money များကို Promo Wallet ထဲသို့သာ ထည့်သွင်းပေးမည်ဖြစ်ပါသည်။ မိမိရရှိထားသော Promo Wallet ထဲမှ E-Money များကို ဖုန်းဘေလ်ဖြည့်ခြင်း၊ ငွေပေးချေခြင်း၊ ဘေလ်ပေးဆောင်ခြင်းများတွင် ပြန်လည်အသုံးပြုနိုင်မည် ဖြစ်ပါသည်။

၉။ ဖော်ပြပါ Spin The Wheel အစီအစဉ်ကို ၂၀၂၄ ခုနှစ်၊ ဩဂုတ်လ၊ (၂၃) ရက်နေ့မှ ၊အောက်တိုဘာလ (၆) ရက်နေ့အထိသာ ပြုလုပ်သွားမည်ဖြစ်သည်။ အဆိုပါ အစီအစဉ်ကာလပြီးဆုံးပြီးနောက်တွင်လည်း လက်ကျန်ပွိုင့်များကို ဆက်လက်သိမ်းဆည်းထားနိုင်မည် ဖြစ်ပါသည်။

၁၀။ Grand Prize ဆုဖြစ်သည့် AirPods ဆုအပြင် E-Money ၃၀၀,၀၀၀ နှင့်အထက် ဆုကြီးများကို Capital Connect Limited မှဝန်ထမ်းများ ရယူခံစားခွင့်မရှိပါ။

၁၁။ အစီအစဉ် ကာလအတွင်း မသမာသည့် မည်သည့် လိမ်လည်လှည့်ဖြားမှုမျိုးကိုမျှ ဆောင်ရွက်ခြင်းမပြုပါရန် မေတ္တာရပ်ခံ တားမြစ်အပ်ပါသည်။ မည်သည့်ပုံစံဖြင့်မဆို လိမ်လည်မှု ကျူးလွန်သည်ဟု သံသယဖြစ်ခြင်းခံရသည့် မည်သူကိုမဆို စီတီဇင်ပေးမှ ပယ်ဖျက်ခြင်း၊ ပိတ်ပင်ခြင်း ပြုလုပ်ပိုင်ခွင့်ရှိပါသည်။

၁၂။ အငြင်းပွားမှုတစ်စုံတစ်ရာပေါ်ပေါက်လာပါက စီတီဇင်ပေးမှတာဝန်ရှိသူများ၏ ဆုံးဖြတ်ချက်သာ အတည်ဖြစ်ပြီး အထက်ဖော်ပြပါ စည်းမျဉ်းစည်းကမ်းများကို စီတီဇင်ပေးမှ လိုအပ်သလို ပြောင်းလဲပြင်ဆင်ပိုင်ခွင့် ရှိပါသည်။